Baada ya Manchester United kushinda 2-0 dhidi ya Chelsea kwenye mechi ya ligi kuu nchini Uingereza, Nikki wa Pili amesema kuwa bora aendelee kushabikia ligi hiyo kuliko ligi Tanzania.

Hayo yameibuka baada ya kelele nyingi nchini kufuatia timu ya Simba kupewa alama 3 kutoka kwa Kagera Sugar kutokana na kile kinachoaminiwa na mamlaka husika kuwa walimchezesha mchezaji mwenye kadi tatu za njano.

Kupitia akaunti yake ya Twitter Mwanamuziki huyo kutoka kundi la Weusi ameandika “Tunapenda EPL kwa sababu mpira unachezwa uwanjani. Bongo mpira mnataka kuucheza nje ya uwanja, bla bla tupuu.. Ligi ya kulevya”.

Watu wengi wamechukizwa na kitendo cha timu ya msimbazi kupewa ushindi mezani, huku wengine wakisema ndiyo sababu ya kudharaulika kwa michezo ya nyumbani.