Mchungaji wa Kanisa la Ufufuo na Uzima, Josephat Gwajima kupitia ukurasa wake wa Instagram amesema kuwa leo atatoa ufafanuzi kuhusu taarifa zinazosambaa kwenye mitandao ya kijamii kuhusu kumtelekeza mwanamke aliyemzalisha mtoto.

Gwajima ameandika hayo baada ya kipindi cha Shilawadu kinachorushwa na runinga ya Clouds TV kuweka video mtandaoni ikimuonesha mwanamke akihojiwa na watangazaji wa kipindi hiko akimtumu Gwajima kumzalisha na kumtelekeza.

Kupitia akaunti yake Gwajima ameandika “From @bishopgwajima – Nitatoa ufafanuzi wa wazi juu ya taarifa zinazosambazwa mtandaoni na baadhi ya watangazaji wa Clouds TV. Nitakuwa LIVE kwenye YouTube kuanzia saa nne na nusu asubuhi ya leo. Link ya channel ipo kwenye Bio yangu unaweza kusubscribe ili ujulishwe Mara niingiapo hewani. Mungu akubariki”.

Shilawadu ni kipindi kinachorushwa na Clouds TV ambacho kinahusu masualia ya umbea kuhusu watu maarufu hapa nchini.