Mwanamuziki wa Bongo Fleva, Diamond Platnumz ameandika ujumbe huu maalumu kwa msemaji mkuu mpya wa Serikali Gerson Msigwa.

KWA KIPEKEE SANA NAOMBA LEO NIYASEMA MACHACHE HAYA: Naamini si wengi wamebahatika kukufahamu sana , ila wewe bro unaroho ya kipekee sana…licha ya majukumu yako ya Ukurugenzi wa mawasiliano.

Ila toka nikufahamu siku zote umekua ni kiungo mzuri sana wa kusimamia mahusiano katia ya serikali na wananchi…Haubagui mkubwa wala mdogo, mwenye hadhi au asiye na hadhi, Mara zote panapo na jambo umekuwa ukihakikisha wote wanapata huduma sawa inapohitajika.

Hauna majivuno, Hauringi, ata iwe usiku wa saa tisa mara zote umekuwa ukiwapa wote huduma inapohitajika.

Wengi wakipataga nafasi wanajifanyaga Miungu watu, kutudharau na kutunyanyasa, lakini toka nibahatike kukufahamu sijawahi kuona ukibadilika kitabia, na naamini sio mimi tu ila umekuwa mtu wa watu kwa wote, na ndiomaana licha ya teuzi nyingi zimefanyika ila teuzi yako imeandikwa na vyombo vingi na imepostiwa na watu wengi sana kwasababu ya Uzuri wa Roho yako….Nimeona nikupatie sifa zako ukiwa hai na nikiwa hai.

Nakutakia kila lakheri, katika majukumu yako mapya ya kumsaidia Mama yetu, Rais wetu Mh Samia Suluhu, katika Ukurugenzi wa idara ya Habari, Maelezo na Msemaji Mkuu wa Serikali.