Yanga imekubali kuilipa Simba Sh milioni 200 kumaliza utata wa Hassan Kessy kudaiwa kuvunja mkataba na klabu yake ya zamani Simba.

Awali, Simba ilimlalamikia mchezaji Hassan Kessy kwa kuvunja mkataba na kudai kulipwa thamani ya mkataba ambayo ni zaidi ya dola laki sita, lakini baada ya mazungumzo Yanga wamekubali kulipa asilimia 10 ya mkataba.

Ofisa Habari wa Shirikisho la Soka Tanzania (TFF) amesema Yanga iliwakilishwa na Kaimu Katibu Mkuu, Baraka Deusdedit na Simba iliwasilishwa na Mwenyekiti wa Kamati ya Usajili, Zacharia Hanspope.

Lucas alisema walikubaliana kufika kikomo wikiendi hii kwa muda na sehemu wanayoijua wao ili waweze kumalizana kabisa kwa sababu wamekubaliana kuwekeza sehemu ili kulipa fidia na kumaliza utata wa kile ambacho Simba imekuwa ikikilalamikia.

Ili kuepuka suala hili kurudi kwenye kamati ya Sheria na hadhi za wachezaji hawa viongozi wamekubali kumaliza na kuandika ripoti na kuileta TFF Jumatatu.

Awali Simba ilipeleka shauri kwenye Kamati ya Katiba, Sheria na Hadhi za Wachezaji kuwa mchezaji Hassan Kessy Juni 27 mwaka huu alivunja mkataba kwa kitendo cha kuonekana akiwa na timu ya Yanga ilihali mkataba wake ukiwa haujamalizika Simba.

Kamati baada ya kupokea shauri hilo iliagiza pande za Simba na Yanga kumaliza suala hilo tangu Septemba, lakini kwa sababu zilizo nje ya TFF na kamati kuamua kulipa msuluhishi ambaye alikuwa ni Said El-Maamry.