Mwanamuziki wa Bongo Fleva, Ruby ameonyesha picha ya ujauzito wake huku akimshukuru mungu kwa baraka hiyo nyingine kwenye maisha yake.

Kupitia ukurasa wake wa Instagram, Ruby ameweka picha hiyo inayoonyesha ujauzito wake na kuandika ‘ASANTE MUNGU MAMA G.

Ruby ameweka picha huku ikiwa ni picha yenye mfanano na picha iliyopo kwenye kava la wimbo wake na msanii kutoka nchini Kenya Otile Brown ‘Shujaa Wako’ unaotarajiwa kuachiwa 31 January hii.

Huyu atakuwa mtoto wa pili kwa Ruby ambaye tayari ana binti wa kwanza ambaye alizaa na msanii mwenzake Kusah kabla ya kuachana.