Mwanamuziki wa Bongo Fleva, Ben Pol amelalamika kuhusu kitendo cha Msanii mwenzie wa Bongo Fleva, Jux kuchapisha mabango mtandaoni kuwa atakuwepo katika uzinduzi wa albamu mpya ya Jux ‘King of Hearts’utakaofanyika Desemba 7 mwaka huu.

Ben Pol amedai kuwa hakuna makubaliano yoyote kati yao hivyo anashangaa kuona anawekwa kwenye matangazo ya uzinduzi huo.

“Una namba yangu umeshindwa kunipigia au kunitumia ujumbe?, au watu wako kuwasiliana na watu wangu?, tunakuja kuona kwenye mitandao kwamba nitakuwepo kwenye show yako,”.

“Wewe ulikasirika kwa Harmonize kukuweka kwenye matangazo ya event yake bila kukutaarifu au kukualika, ukafanya hadi interviews lakini na wewe unafanya kitu kilele. Napenda sapoti lakini hii ni style gani kaka” ameandika Ben Pol kwenye mitandao.