Mwanamuziki wa Bongo Fleva, Ommy Dimpoz amefunguka alivyokutana na mshambuliaji wa Manchester United, Cristiano Ronaldo Pamoja na mastaa wengine wa timu hiyo.

Miezi kadhaa iliyopita mwanamuziki huyo aliweka picha kwenye ukurasa zake za mitandao ya kijamii akiwa na mastaa mbalimbali wa Manchester United.

Amesema kuwa “Nilikutana na mpiga picha rasmi wa klabu hiyo, tukabadilishana namba za simu kwa ajili ya kufanya ziara kwenye klabu hiyo.

“Nilichagua baada ya mechi yao na Liverpool, japo ilikuwa ni kipindi kigumu kwa kuwa walitoka kufungwa mechi mbili na presha ya timu ilikuwa ni kubwa nikaambiwa siwezi kupata nafasi hiyo.

“Ila kuna mchezaji wa Manchester ambaye anacheza timu nyingine kwa mkopo nafahamiana nae, niliongea nao akawambia wenzake ndugu yangu anakuja hapo mumpokee, hivyo baada ya mechi na

Ommy Dimpoz ambaye kesho atazindua albamu yake ya kwanza aliyoipa jina la Dedication amesema ziara ile ilikuwa ya kipekee kwake.

Uzinduzi huo utafanyika kesho kwenye hoteli ya Johari Rotana, Dar es Salaam ukihudhuliwa pia na watu maarufu wengine nchini.