Mwanamuziki wa Bongo Fleva, Jay Melody amefunguka na kusema kuwa wimbo wake wa Nakupenda umempa mafanikio makubwa sana kipesa kutokana na kufanya shoo nyingi.

Jay Melody amesema kuwa tangu mwaka huu wa 2022 uanze amekuwa na ratiba nyingi za shoo, lakini baada ya kuachia Nakupenda, ratiba zimekuwa nyingi zaidi na zaidi hivyo kumuongezea mafanikio makubwa kwenye maisha yake.

Pia amesema kuwa “Baada ya Nakupenda, niseme ukweli, shoo zimekuwa ni nyingi zaidi na zaidi. Kwa mfano Jumamosi zote nakuwa na shoo na siyo ndani tu ya Tanzania, bali hata nje ya nchi kama Kenya na sehemu nyingine nje ya Afrika. Kiukweli Nakupenda imetengeneza shoo nyingi sana.

Wimbo huo wa Nakupenda ulitoka Julai 20, 2022, lakini hadi sasa hauna video, lakini una mamilioni ya wasikilizaji kwenye mitandao ya kusikiliza muziki.