Mwanamuziki wa Bongo Fleva, Diamond Platnumz amefunguka na kusema kuwa kama Zuchu atatoka ndani ya lebo ya WCB atatakiwa alipe bilioni 10 kutokana na uwekezaji wake.

Kauli hiyo ya Diamond imekuja baada ya shabiki aliyejitambulisha kuandika katika Instagram kuwa “Diamond, Zuchu akitaka kutoka atadaiwa bilioni mbili maana sasa hivi ni msanii mkubwa baada ya ‘bigy’ akimaanisha Diamond.

Diamond ameandika “Aaah huyo sio chini ya Sh10 bilioni sio unaona namba yake huko mjini YouTube baba,” ameandika Diamond Platnumz.

Mpaka sasa, Zuchu ndio msanii wa kike anaongoza kwa kuangaliwa zaidi kwenye mtandao wa YouTube, katika nchi za Jangwa la Sahara, ambapo mpaka sasa ana wafusai wasiopungua milioni mbili.

Ukiachilia Diamond, meneja wake Hamisi Taletale ”Babu Tale’, kwenye ukurasa wake wa Instagram ameandika namna wanakuja kivingine katika kusaini mikataba na wasanii wapya watakaowasajili.