Video ya wimbo wake wa Tetema ya Rayvanny aliyomshirikisha mwanamuziki Diamond Platnumz imefutwa kwenye chaneli ya YouTube.

Inasemekana Tetema imefutwa na prodyuza maarufu Bongo anayefanya kazi kwa karibu na Lebo ya WCB S2Kizzy’ ambaye ndiye alitengeneza ngoma hiyo.

Inasemekana kuwa producer anamdai Rayvanny pesa zake za kutengeneza ngoma hiyo ambayo mpaka sasa hajalipwa.

Tayari video hiyo ilikuwa tayari imepata views zaidi ya milioni 60 na ndiyo video iliyokuwa imetazamwa na watu wengi zaidi kwenye chaneli ya Rayvanny.

Ukiingia mtadao wa Youtube kwa sasa kuitafuta TETEMA iliyoachiwa rasmi mnamo Februari 7, 2019 basi utakuta audio pekee na sio video yake iliyosumbua wakati inatoka.

Tukio hili linajiri ikiwa ni miezi michache baada ya Rayvanny kujiondoa katika Lebo ya WCB na kuamua kujitegemea katika lebo yake mpya ya Next Level Music.