Mwanamuziki wa Bongo Fleva, Diamond Platnumz amempongeza Msemaji wa Young Africans Haji Manara, kufuatia Klabu ya Young Africans kutwaa Ubingwa wa 28 wa Tanzania Bara.

Diamond amempongeza Manara ambaye alijiunga na Young Africans mwanzoni mwa msimu huu 2021/22 akitokea Simba SC, kwa sababu zilizotajwa kutokua na maelewano mazuri na Afisa Mtendaji Mkuu Barbara Gonzalez.

Katika Ujumbe wa Diamond amethibitisha kufahamu madhila aliyopitia Haji Manara kabla ya kuondoka Simba SC, huku akiandika Mungu wetu ni mkubwa kuliko fitna za binadamu.

Diamond ameandika: “Mungu wetu ana nguvu kuliko fitna…. Super proud of you my brother Haji Manara na Young Africans nzima”

“Kiukweli kama kijana ninayepambana kujikwamua na umaskini leo nilipanga niongee vitu vingi sana ambavyo watu wasingevitegemea.”

“Kwa sababu mimi ni miongoni mwa watu waliojua kuhusu sakata lako (Haji) mpaka leo kuwa Yanga, pengine kuliko wengine. Ila acha tu niishie kusema Mungu wetu ni MKUBWA KULIKO FITNA ZA BINADAMU” Diamond Plutnumz.