Mwanamuziki wa Bongo Fleva, Nandy amefunguka na kusema kuwa kuwa harusi yake na msanii mwenzake, William Lyimo au Billinas itafunga mtaa kutokana na umaarufu wao.

Nandy amesema kuwa, kila kitu kimekamilika na kinachosubiriwa ni kula, kunywa na kusherekea harusi kwa sababu ndilo jambo kubwa mno ambalo lipo mbele yao.

“Naomba tu niseme hili, kwa kweli itakuwa harusi kubwa sana watu watakula na kunywa maana harusi itakuwa ya kufunga mtaa.

“Watu watafurahi na sisi kwenye siku yetu muhimu na itadumu siku mbili,” anasema Nandy au Nandera ambaye harusi yao hiyo zimesalia siku chache tu wafunge pingu za maisha.