Licha ya kukosa tuzo, mwanamuziki wa Bongo Fleva, Jux amewapongeza waandaaji wa tuzo za TMA zilizofanyika wiki hiliyopita jijini Dar es Salaam.

Jux ameonesha heshima na kufurahishwa na ujio wa tuzo za muziki Tanzania kwa kutoa shukurani na pongezi kwa timu nzima ya waandaaji wa tuzo hizo ambao ni Wizara ya Utamaduni Sanaa na Michezo kupitia Baraza la Sanaa la Taifa.

Jux ameweka wazi kuwa kurejea kwa tuzo hizo kutarejesha heshima ya muziki wa Tanzania na kuwa chachu ya kuongeza ushindani na ari kwa wasanii kupambana kufanya kazi zenye ubora na viwango stahiki.

Nawashukuru watanzania wote kwa kuendelea kuni-support kwenye shughuli zangu za kimuziki na biashara, na kwa wakati huu nawashukuru kwa kunipigia kura kwenye vipengele Saba (7) nilivyotokea kwenye TMA.