Mwanamuziki wa Bongo Fleva, Nandy amefunguka na kusema kuwa anatamani kabla ya kufa aache alama kwa vijana mbalimbali ambao wamekatishwa tamaa kwasababu mbalimbali.

Nandy amesema hayo kwenye mdahalo mfupi wa uzinduzi wa kampeni yake ya FUNGUKA CAMPAIGN ambayo wasichana na wavulana wenye ndoto mbalimbali lakini wanashindwa kutimiza kwa kuvumilia vitendo vya unyanyasaji mbalimbali bila kusema au kufunguka popote.

” Sikuwa staa kwa sababu tu nipate jina hapana,bali natakiwa kabisa kulitendea haki jina langu hivyo nitatamani kabla ya kufa niache alama kwa vijana wanaopitia changamoto mbalimbali lakini wanashindwa kuzitatua sasa kwenye FUNGUKA CAMPAIGN nitafanya hivyo” alisema Nandy.

Katika mdahalo huo wasichana na wanawake mbalimbali walifunguka changamoto wanazopitia na zinazowakwamisha kufikia malengo yao hasa kimasomo na hata kwenye mitaji ya kuendesha maisha yao ya kila siku.