Mwanamuziki wa Bongo Fleva, Juma Nature amedai anatamani sana kufanya kolabo na wasanii wapya wanaofanya vizuri ila anashindwa kwa madai wasanii hao wanaringa.

Juma Nature amesema kuwa kutokana na ubora wake kwenye muziki anatamani kufanya kazi na wasanii wa kizazi cha kisasa lakini wanawadharau wasanii wa zamani.

“Wasanii wengi wapo hivyo, hawana moyo wakujua kipi ni bora kipi sio bora, wanachojua wao ni kuchukua pesa halafu watembee na magari”. Juma Naure amesema

Juma Nature alitamba enzi za nyuma akiwa na kundi la TMK Wanaume Family wakiwa chini ya Mkubwa Fella akiwa kama meneja wa kundi hilo.

Kwasasa Juma Nature ameshirikishwa na AY kwenye wimbo mpya unaokwenda kwa jina la Master ambao umetoka hivi karibuni.