Mwanamitindo maarufu nchini, Hamisa Mobeto ni miongoni mwa mastaa wakubwa zaidi akishiriki kwenye muziki, filamu na mitindo nchini Tanzania.

Kama wewe ni mtumiaji wa mitandao ya kijamii, basi utakuwa unajua kile kinachoendelea kwa Hamisa ambaye ni mama wa watoto wawili.

Hamisa amekuwa akifanya kazi kubwa ya kuwafurahisha wafuasi wake kwenye mitandao ya kijamii kwa kuwawekea picha na video zake zenye mvuto akishika nafasi ya nne kwa mastaa wenye wafuasi wengi Bongo baada ya Diamond, Millard Ayo, Wema Sepetu kisha anafuata yeye.

Kwa sasa, Hamisa yupo nchini Marekani kwa ajili ya madili ya ubalozi wa kinywaji maarufu duniani na vipodozi ambapo amekuwa akitupia picha na video mbalimbali akiwa jijini New York kiasi cha baadhi ya wafuasi wake kudai kuwa wazungu hawaamini kama ni Mbongo kutokana na kufanana na Wamarekani weusi.