Mwanamuziki wa Bongo Fleva, H Baba amedai kwamba Mwijaku amekuwa akitengeneza sauti zake kuhusu kujitenga kwake na Harmonize au Konde Gang kwa lengo la kumchafua.

H-Baba amesema kuwa, Mwijaku anajaribu kumgonganisha na Harmonize, lakini kwa upande wake hajaingia popote wala hajatoka popote baina ya Konde Gang ya Harmonize na WCB ya Diamond kwani alidaiwa kuhamia huko.

Kwa upande wake, Mwijaku ameibuka na kuweka wazi kuhusu maneno ya msanii H Baba aliyomwonya kuwa makini kutokana na taarifa anazozisambaza kwamba Harmonize na H Baba wamevuruga urafiki baada ya H Baba ku[1]unfollow Konde Boy kwenye Instagram.

H Baba, katika mahojiano na kituo kimoja cha habari alisema kwamba yeye na Harmonize ni marafiki wa kitambo na katu hakuna mtu anayeweza kuwachonganisha na kumuomba Mwijaku kukaa mbali na urafiki wao huo.

Mwijaku amemwambia H Baba kwamba Konde Gang hawana haja na yeye kwani walifanya kumpunguza tu kutokana na ukongwe wake.

Ugomvi wa wawili hao umekuwa kwa zaidi ya wiki moja sasa baada ya H Baba kuposti picha na video za Diamond huku akimpongeza kutokana na ufanisi wake mkubwa wa kuwa mwanamuziki mkubwa barani Afrika.