Mwanamuziki wa Bongo Fleva, Madee amefunguka na kusema kuwa Cassim Mganga ni mwanamuziki bora wa nyimbo za mapenzi kwasasa.

Madee amesema kuwa ukimtoa marehemu Issa Matona hakuna muandishi bora wa nyimbo za mapenzi kama Kassim Mganga kutokana na mashairi ya nyimbo zake za mapenzi.

Kupitia akaunti yake ya Instagram Madee ameandika “Moja kati ya waimbaji bora kabisa kuwahi kutokea kwenye ardhi ya nyumbani Tanga na nyumbani Tanzania, kwenye uandishi wa nyimbo za mapenzi ukimtoa Issa Matona hakuna kama Kassim Mganga”

Madee na Cassim Mganga walifanya kazi pamoja katika kundi la TipTop Connection miaka ya nyuma chini ya Uongozi wa Babu Tale.

Baadhi ya nyimbo za mapenzi alizoimba Cassim Mganga ni Awena, haiwezekani, subira, na waubani ni baadhi ya nyimbo kadhaa alizoimba Kassim Mganga kuhusu mapenzi.