Mwanamuziki wa Bongo Fleva, Darassa amefunguka na kusema kuwa Alikiba ni msanii anayemuheshimu kutokana na mchango wake katika muziki wa Bongo Fleva.

Darassa amefunguka jinsi ambavyo wimbo wake Proud of You alioimba na Alikiba ulivyofanyika ambapo pia ameeleza kuwa wimbo huo ulikaa takribani mwaka mzima ndani bila kuuachia.

Darassa amesema; “Mimi huwa nakaa na nyimbo muda mrefu sana, Ali mwenye alikua anaona huyu jamaa ana matatizo gani.

“Nakumbuka nilikutana naye Johannsburg akaniambia wamekuachia sasa umepata akili kwasababu ni ngoma kubwa na unajua King amekuwa kwenye game kwa muda mrefu na heshima yake huwezi kuchezea.

“Wakati natoa ProudofYou ilikua ndani tayari kama miezi sita, kwahiyo nafikiri ni wimbo ambao ilikua imepangwa aje anibless kipindi ambacho natoa album yangu.

Amesema “Na nafikiri ni wimbo kwa sasa huwezi kumpigia tena King unataka kolabo acha kwanza proud of you ikae hapo so namuheshimu kwa hilo na alijitoa sana katika kuutengeneza huu wimbo,”.