Mwanamuziki wa Bongo Fleva, Diamond Platnumz ameteka hisia za wengi katika Jiji la Lagos nchini Nigeria baada ya kupewa ulinzi mkali kama wanaopewa Marais wa Afrika.

Timu ya Diamond imeachia video video zinazomuonesha staa huyo akishuka kwenye gari huku akipokelewa na walinzi wa kumwaga.

Pia inaonesha msafara wake ukisindikizwa na magari kadhaa ya kifahari na king’ora kama inavyokuwa kwenye ziara za Marais.

Diamond au Mondi alikuwa ameambatana na msanii kunako lebo yake ya Wasafi Classic Baby (WCB) ambaye ni Mbosso huku wafuasi wake wakitabiri kuwa kuna ngoma mpya waliyokwenda kuiandaa katika safari hiyo.

Pia habari za ndani zinaeleza kuwa Diamond yupo nchini Nigeria kwa ajili ya kufanya video ya wimbo wake mpya ambao amemshikisha msanii Jaywillz kutoka nchini humo.