Mwanamuziki wa Bongo Fleva, Diamond Platnumz amefunguka na kusema kuwa kwenye kazi yake ya muziki ndio kwanza anaanza hivyo mashabiki wake wakae mkao wa kula kwa nyimbo mpya.

Kama ulikuwa unafikiria utawala wa Diamond Platnumz kwenye muziki utaisha hivi karibuni basi umeula wa chuya kwani staa huyo anasema kwamba ndio kwanza anaanza.

Diamond Platnumz amepost screenshot ya kutoka kwenye mtandao wa YouTube ambayo inaonesha video zinazofanya vizuri ambapo amefanikiwa kuingiza nyimbo tatu zenye jina lake kuanzia namba moja mpaka namba tatu na kuandika “Namba moja mpaka tatu ni mimi, niamini ndio kwanza naanza”

Kwenye picha hiyo video inayoshika namba moja ni ya wimbo wake unachezaje namba mbili inashikiliwa na Unacheza Dance na video namba tatu inashikiliwa na Why ambayo ni kolabo yake na mstaa wa muziki The Ben.