Wanamuziki wa Bongo Fleva, Alikiba na Harmonize wamezua gumzo mtandaoni baada ya wawili hao kupiga picha ya pamoja wakiwa ndani ya ndege ikiwa ni picha ya kwanza kwa wawili hapo kupiga pamoja.

Harmonize aliweka picha hiyo katika ukurasa wake wa Instagram akiwa pamoja na Kiba kwenye ndege wakielekea jijini Mwanza.

Watu mbalimbali katika mtandano huo wameiweka katika kurasa zao na kuuliza maswali mengi kama kutakuwa na jambo lingine baada ya picha hiyo.

Msanii huyo baada ya kuweka picha alisindikiza na maneno aliyoandika;” Konde Gang Fc ndani ya Mwanza, tafadhali twende kwa mfalme Alikiba kesho.”

Msanii kutoka Angola, Cabo Snoop aliandika katika sehemu ya kujibu;”Wasanii wakubwa Tanzania katika picha moja.”

Naye msanii wa Hip Hop nchini, Solo Thang aliweka picha ya wasanii hao na kuisindikiza na ujumbe; ”Haya ndio mambo ambayo tunapenda kuyaona.”

Alikiba leo atakuwa na shoo yake Mwanza huku upande wa Harmonize yeye akiwa na shughuli zake zingine.