Meneja wa mwanamuziki wa Bongo Fleva, Diamond Platnumz, Mkubwa Fella amesema kuwa, mara nyingi wao kama viongozi huwa wanawaona baadhi ya watu ambao wanamtukana msanii wao, lakini wanaamua kunyamaza.

Mkubwa Fella amesema kuwa wana uwezo wa kuwachukulia hatua za kisheria, lakini wanawapuuzia kwa sababu mtu mwenye akili timamu hawezi kubishana na mpumbavu.

“Siyo kama hatuoni, huwa tunaona sana jinsi Diamond anavyotukanwa huko mitandaoni, wasidhani kuwa hatuoni, lakini tunakaa kimya kwa sababu hiyo ndiyo hulka yetu, siku zote wanasema kukaa kimya ni jibu la mjinga na hicho ndicho tunachokifanya.

Pia “Hatuna muda wa kuwachukulia sheria, acha waendelee kuwa wapumbavu kwa sababu msanii wetu sisi anazidi kukua na kutoa burudani nzuri kwa mashabiki wake wanaomuweka mjini,”.