Wanamuziki wa Bongo Fleva, Alikiba, Diamond Platnumz na Harmonize wamechaguliwa kuwania tuzo za African Entertainmen Awards USA (AEAUSA zitakazofanyika nchini Marekani.

Tuzo maarufu za African Entertainment Awards USA (AEAUSA) 2021, hatimaye zimerejea tena zikiwa zimesheheni majina mastaa kadhaa wa kitanzania wanaofanya vizuri kwenye tasnia mbalimbali

Kupitia mtandao maalumu wa tuzo hizo yamewekwa majina ya walioteuliwa kuwania tuzo hizo kwa msimu huu wa mwaka 2021, ambapo majina kadhaa yamefanikiwa kupita akiwamo msaanii kinda kwenye muziki wa Bongo fleva nchini Mac Voice

Mac Voice kutoka Next Level Music inayomilikiwa  na msanii Rayvanny ana takribani mwezi mmoja tu, tangu kuingia rasmi kwenye muziki na ametajwa kwenye kipengele cha msanii bora chipukizi kwa mwaka 2021 akichuana na wasanii mbali mbali kutoka nchi za Afrika akiwamo Guch kutoka Nigeria, Jeeba, Avra Star, Oxlade pamoja na  Omah Lay.

Wengine kutoka Tanzania walioingia kwenye tuzo hizo ni pamoja na Ali Kiba, Diamond platnumz, Harmonize, Rosa Ree, Zuchu, Navy Kenzo, Mbosso, Nandy, Rayvanny pamoja na weusi.

Huku Watangazaji waliotajwa kuwania tuzo hizo ni  Djaro Arungu, Adam Mchomvu pamoja na Lil Ommy.

Na kwenye eneo la mtayarishaji bora wa mwaka Tanzania inawakilishwa na Lizer classic pamoja na Director Kenny kwenye kipengele cha muongozaji bora wa mwaka.

Tuzo za African Entertainment Awards USA zinatarajiwa kutolewa mwaka 2022 huko New York nchini Marekani.