Mwanamuziki wa Bongo Fleva, Kusah na muigizaji wa Bongo Movie, Aunty inaonekana wamefunga ndoa baada ya wawili hao kuonekana katika picha ya pamoja ya kufunga ndoa.

Kwa upande wa Kusah anasema kuwa, watu waelewe hivyo kwamba mwanamama huyo ni mkewe rasmi.

Kusah ambaye ameachia wimbo wake mpya jana wa I Wish anasema kuwa, akipewa nafasi ya kumzungumzia Aunt ambaye ni mzazi mwenzake, hawezi kumaliza kwani kwa muda mfupi tu wamepitia vitu vingi wakiwa pamoja.

“Aunt amenipa vitu ambavyo siwezi kuvirejesha hivyo itoshe kusema nimemuoa Aunt na ninampenda sana,” anasema Kusah.Kuhusu kupishana kwao umri, Aunt anayesemekana ni mkubwa kwa jamaa huyo, ameibua mjadala mwingine baada ya kudai yeye ana umri wa miaka 28 huku Kusah akiwa na umri wa miaka 29.

Aunt ambaye kwa sasa amebadili dini akitumia jina la Rahma, yeye na Kusah walianza kuwa wapenzi baada ya Aunt kutengana na mzazi mwenzake mwingine ambaye ni dansa wa msanii Diamond Platnumz, Moze Iyobo huku Kusah akiwa ametengana na mzazi mwenzake ambaye ni msanii wa Bongo Fleva, manamama Ruby.