Mwanamuziki wa Bongo Fleva, Juma Jux amefunguka na kusema kuwa kupenda pamoja na kumiliki magari mazuri amerithi kutoka kwa baba yake mzazi.

Baadhi ya mambo unayoona kwa Jux kama kununua magari mazuri na kupendeza, ni miongoni mwa mambo ambayo amerithi kutoka kwa marehemu Baba yake.
Mwimbaji huyo akionge katika Podcast ya kwanza ya Audiomack Africa, Swahili Radio, amesema hata gari lake jipya aina ya Mercedes Benz amelilinua kutokana Baba yake aliwahi kuwa nalo.

“Mzee wangu alikuwa msafi sana, anajipenda, anaendesha mipira mikali (magari mazuri) nini, kule Lumumba alikuwa anaingiza magari makali anauza. Nakumbuka hata magari yaliyokuwa yanakuja nyumbani kwetu kipindi hicho ni magari makali, yaani ni mzee alikuwa na mipira tu mikali,” amesema.

Jux ameendelea kusema, “Nikasema siku moja nitakuja kuinunua (Mercedes Benz), Baba yangu amefariki muda kidogo, so popote alipo atakuwa anajivunia ninaimiliki sasa”.