Baada ya wasanii wa Kenya kupata nafasi ya kuisikiliza albam ya Alikiba ‘Only One King’ Alikiba akakutana uso kwa uso na Tanasha Donna ambaye ni mzazi mwenzie Diamond Platnumz.

Kitendo hicho cha Tanasha kuhudhuria shughuli hiyo kimelifanya tukio hilo kutrendi mno kwa sababu wengi hawakutarajia kwani ni mzazi mwenza wa hasimu wa King Kiba ambaye ni Diamond.

Hata hivyo, inafahamika kwamba, ukaribu wa wawili hao haukuanza hivi karibuni kwani kabla ya Tanasha kuzaa na Diamond alishafanya kazi na King Kiba akiwa kama video vixen kwenye Wimbo wa Nagharamia wa King Kiba na Christian Bella.

Pia taarifa za ndani zinasema kwamba, kuna wimbo wa pamoja wa Tanasha na Tommy Flavour ambaye ni msanii wa Lebo ya Kings Music iliyo chini ya King Kiba.