Mwanamuziki wa Bongo Fleva, Tommy Flavour amesema kuwa hayupo kwenye game ili kushindana na mtu japo anafurahishwa na mafanikio ya Zuchu na Ibraah na inawezekana akawa kama wao au zaidi.

Tommy Flavour amejibu hilo baada ya baadhi ya mashabiki ku-compare yeye na Zuchu kutoka WCB na Ibraah wa Konde Gang ambapo wanadai kama amepoa kwenye upande wa kazi tofauti na hao wenziye.

Mwanamuziki huyo amesema kuwa anafurahishwa na mafanikio ya wanamuziki hao ambao wanatoka label tofauti za muziki hapa nchini.

Tommy Flavour kwasasa anatamba na wimbo wake mpya aliyomshirikisha mwanamuziki Alikiba ambaye ni bosi wake ndani ya label ya Kings Music.