Aliyekuwa msanii wa muziki wa Bongo Fleva, Vanessa Mdee mwenye makao yake nchini Marekani hatimaye ana uja uzito na mchumba wake msanii Rotimi.

Katika ukurasa wake wa Instagram Rotimi hatimaye amefichua kwamba ule uvumi uliokuwepo kwamba wawili hao walikuwa wanakaribia kupata mtoto haukuwa uwongo.

Hilo limebainika baada ya muigizaji huyo mwenye asili ya Nigeria kuchapisha picha za Vanesa Mdee akiwa na ujauzito mkubwa.

Picha hizo zilimuonesha Vanesa mwenye furaha tele akikumbatiwa na Rotimi huku picha nyengine ikimuonesha msanii huyo mwenye asili ya Nigeria akibusu ujauzito wa Vanesa Mdee.

‘’Zawadi yangu kubwa imekuwa wewe. Umebadilisha maisha yangu na sasa tumeshikanishwa maisha yetu yote na mtoto ambaye tutamlea. Namuombea mtoto wetu awe na nuru yako, moyo wako, akili yako, na roho yako. Nitakulinda wewe na mtoto wetu kwa kila kitu changu!’’

Vanessa aliacha muziki na kwenda marekani ili kuishini na Rotimi .Wawili hao walichumbianamwezi Disemba 2020baada ya kuwa wapenzi kwa kwa mwaka mmoja.

Vanesa alidaiwa kuonana na Rotimi baada ya kuwacha na mpenzi wake wa awali msani wa bongo Fleva Juma Jux .