Mwanamuziki wa Bongo Fleva, Diamond Platnumz amezidi kujiweka kileleni kwenye orodha yawasanii wenye watazamaji wengi zaidi kwa nchi za Kusini mwa Jangwa la Sahara kwenye mtandao wa YouTube.

Diamond Platnumz mpaka sasa amepata streams zaidi ya Bilioni 1.5 kwenye mtandao huo mkubwa wa kusambaza kazi za wasanii duniani huku akiwa na zaidi ya Subscribers Milioni 5.55.

Mafanikio ya Diamond kwenye mtandao wa YouTube yalishamfanya kuwa mfano kwenye mazungumzo ya moja ya viongozi wa Makao makuu ya YouTube na tovuti ya Billboard.

Mmoja wa viongozi hao alimtaja Diamond kama mfano wa wasanii wa kuigwa kwa jinsi ambavyo ametumia mitandao kupambania muziki wake.