Mwanamuziki wa Bongo Fleva, Diamond Platnumz ametupa dongo gizani kwa mahasimu wake baada ya video ya wimbo wake Iyo kufikisha watazamaji Milioni saba kwenye mtandao wa YouTube.

Kupitia InstaStory yake Diamond ameandika “Acheni maisha ya kufeki waajili ya sifa, maana feki havidumu na mwisho wake ni aibu”.

Ujumbe huu wa Diamond anatajwa kuwa ni dongo kwa hasimu wake wa muda mrefu Alikiba hii ni baada ya watu kuanza kushindanisha video zao.

Mashabiki walianza kushindanisha wimbo wake Iyo na Video ya Alikiba Jealous ambayo mpaka sasa inawatazamaji Milioni 6.9 kwenye Mtandao wa YouTube.