Mwanamuziki wa Bongo Fleva, Chidi Benz amesema kuwa anajua kwamba Alikiba, Diamond na Harmonize ndio wasanii wakubwa kwa sasa Bongo ila wajitahidi wawe na heshima.

Chidi Benz anasema wasanii hao wanatakiwa wawe na heshima ya ukweli ndani na nje pia waitumie vizuri mitandao yao ya kijamii sio kujiachia na kujisahau kisa wao ni mastaa.

“Hao ndio wasanii wakubwa, wanaosikika, wanaotamba, wana watu wengi kwenye mitandao yao na ndio wanaotuwakilisha wasanii wote.

Pia amesema kuwa kitu ninachoweza kuwaambia na kuwashauri kwanza wawe na heshima ya ukweli, sio ile heshima wanapojua wanataka kampuni iwape pesa”.