Mwanamuziki wa Bongo Fleva, Diamond Platnumz amenunua gari mpya aina ya Rolls Royce Cullinan SUV ya mwaka 2021.

Gari hiyo yenye thamani zaidi ya Dola za Kimarekani 330000 (Tsh. Milioni 763.25 ) kabla ya Ushuru, imepokelewa leo kutoka Bandarini na staa huyo baada ya kuiagiza tangu mwezi uliopita.

Diamond alishawahi kuweka wazi muda mrefu kuwa gari ya ndoto zake ni Rolls Royce hivyo sasa anaweza kulala usingizi Mnono kwasababu ametimiza moja ya ndoto zake.

Kupitia mtandao wa kijamii wa Instagram imeoneakana video ikimuonyesha Diamond Platnumz akilipokea gari hilo leo nyumbani kwake baada ya kushushwa kutoka kwenye Kontena.

Aidha mwezi mmoja uliopita staa huyo wa muziki alinunua gari mpya aina ya Cadillac Escalade Sky Captain inayodaiwa ina thamani ya Tsh Milioni 811.