Mwanamuziki wa Bongo Fleva, Dayna Nyange amefunguka bila unafiki juu ya ngoma za wasanii wa Bongo Fleva zinazosikika nchini Nigeria.

Dayna ambaye kwasasa anatamba na ngoma yake mpya inayokwenda kwa jina la Elo ambayo amemshirikisha Davido amesema kuwa kwasasa wanigeria wanapenda pia kusikiliza ngoma kutokana nchi nyingine pamoja na Tanzania.

Dayna amesema kuwa, kwa kipindi kirefu alichokaa nchini humo na kufanikiwa kufanya kolabo na Davido alibahatika kusikia ngoma za wasanii wachache kama Rayvanny, Diamond Platnumz, Rosa Ree na Harmonize kwa mbali.

Dayna anasema kuwa, Wanigeria wanapenda mno kusikiliza ngoma za kwao, lakini kwa sasa wanazidiwa na zile za wasanii wa Afrika Kusini na Kenya ambazo zinaingiliana na za wasanii wa Kitanzania.