Msanii wa muziki wa rap Moni Centrozone amefunguka na kusema kuwa yupo mbioni kuachia kolabo ya wimbo wake na Juma Jux siku chache baada ya kusaini mkataba na Roof Top Entertainment.

Moni aliyethibitisha kusaini mkataba wa kushirikiana lebo hiyo ya nchini Tanzania Juni 21 2021, ataachia wimbo wake aliomshirikisha na Jux Ijumaa ya Juni 25 kwa mujibu wa taarifa yake aliyoiweka kupitia wa ukurasa wa Instagram.

Katika taarifa rasmi iliyotolewa na Moni ya kungoja ujio wa kolabo hiyo kupitia ukurasa wake wa Instagram, wimbo huo aliomshirikisha Jux utakwenda kwa jina ‘My Life’.

Moni ataachia kolabo ya wimbo wake huo chini ya utayarishaji wa S2kizzy  Juni 25 siku ambayo ni tarehe ya kumbukumbu ya kuzaliwa kwake.