Mwanamuziki wa Bongo Fleva, diamondplatnumz amefunguka na kusema kuwa kuna watu wengi walijaribu kumuua, lakini walishindwa.

Mwanamuziki huyo amesema hayo baada ya baadhi ya watu kuonesha wazi kutokuunga mkono kwenye kinyang’anyiro cha kuwania tuzo za BET.

Kupitia akaunti yake mtandao wa kijamii Diamond ameandika; “Walijaribu wengi kuniua kimuziki wakashindwa, wasanii wakongwe wamejaribu, wakashindwa, media ndiyo usiseme, naona na wanaharakati wa siasa wameanza.

Pia ameendelea kuandika “Hakuna asiyejua ukweli, si lazima niseme, ila ukweli unajulikana, bila mimi Bongo Fleva isingekuwa hivi, mgumu kunishusha.

Diamond Platnumz ametajwa kuwania tuzo za BET akiwa pamoja na wasanii mashuhuri kutoka nchini Nigeria, Burna Boy na Wizkid ambapo tuzo hizo zitatolewa mwaka huu.