Mwanamuziki wa Bongo Fleva, Dayna Nyange anatarajia kuachia wimbo mpya aliomshirikisha staa kutoka nchini Nigeria, Davido.

Video ambazo zilikuwa zimesambaa mtandaoni zikimuonyesha akiwa studio na msanii huyo anayefanya vizuri nchini Nigeria.

Dayna alikiri kwamba ni kweli wameingia studio na Davido na kubainisha kwamba wimbo wao huo unatarajiwa kutoka rasmi Ijumaa ya wiki hii ya Mei 28.

Kutoka kwa wimbo huo kutamfanya Dayna kuwa msichana wa kwanza Bongo kutoa ngoma na Davido ambaye jina lake halisi ni David Adedeji Adeleke.

Ikumbukwe Diamond Platnumz miaka saba iliyopita aliwahi kufanya kolabo naye katika wimbo wake Number One kwa kuurudia na kuchangia kufungua milango kwa wasanii wa Nigeria kufanya kazi na wasanii mbalimbali wa Tanzania.