Mwanamitindo, mwigizaji na mfanyabishara, raia wa Uingereza, Naomi Campbell amethibitisha kujifungua mtoto wa kwanza akiwa na umri wa miaka 50.

Campbell alithibitisha kujifungua kwa picha ya mkono wake akiwa ameshika miguu ya mtoto kupitia ukurasa wake wa Instagram, Jumanne, Mei 18 2021.

Campbell anatangaza kujifungua siku chache kuelekea siku ya kumbukumbu ya kuzaliwa kwake, Mei 22 2021.

Mama ya mzazi wa Campbell, Bi. Valerie Morris Campbell naye aliutumia ukurasa wake wa Instagram kuandika ujumbe wa furaha yake kwa mwanae kujifungua.