Mwanamuziki wa Bongo Fleva, Diamond Platnumz amerejea nchini baada ya kujichimbia nchini Afrika Kusini kwa wiki kadhaa kikazi ikiwa ni pamoja na kuandaa albamu yake ya nne.

Diamond amerejea nchini jana majira ya jioni akiongozana na uongozi wake, ambapo amerejea baada ya wasanii wa lebo ya yake ya WCB Wasafi, Rayvanny na Zuchu ambao nao walikuwa nchini humo kwa shughuli zao za kimuziki.

Mwanamuziki huyo anayeongoza kwa mkwanja Tanzania yupo katika maandalizi ya albam yake mpya ambayo ataiachia mwaka huu itakapokamilika.

Akiwa nchini Afrika Diamond Platnumz amekutana na baadhi ya wasanii wa Afrika Kusini kwa ajili ya kufanya nao kazi ambapo watasikika kwenye albam yake hiyo mpya.

Albam hiyo itakuwa albam ya nne kwa mwanamuziki huyo toka aanze muziki rasmi mwaka 2009 hivyo mashabiki wake wakae mkao wa kula kuipokea albam yake hiyo.