Mwanamuziki wa Bongo Fleva, Harmonize amerudi nchini akitokea Nigeria alipokwenda kwa ajili ya kuandaa kazi zake mpya pamoja na kushoot video mpya akiwa nchini humo.

Harmonize akiwa uwanja wa ndege wa Mwl. Julius Nyerere na wasanii wenzake wa Konde Gang wamesikika wakisema kuwa ‘Lazima upimwe’ kauli ambayo watu wameitafsiri ni kama kijembe kwa Dogo Janja.

Kauli hiyo inatafsiriwa kama dongo kwa Rapper Dogo Janja baada ya wiki iliyopita kugoma kufanyiwa vipimo vya COVID-19 akiwa uwanja wa ndege Dar es Salaam alipowasili toka Afrika Kusini.

Kupitia vipande vya video ambavyo ameviweka kwenye insta story yake, Harmonize pamoja na wenzie wamesikika wakisema kwamba majibu yao yapo negative wakiwa na maana kuwa hawana Corona.