Nyota wa muziki kutokea lebo ya WCB Wasafi, Rayvanny ametaja msanii wa muziki kutokea Congo, Innoss B kuwa ni miongoni mwa wasanii nyota watakaoshirikishwa kwenye album ijayo ya nyota wa muziki nchini Tanzania, Diamond Platnumz.

Akizungumza mbele ya waandishi Uwanja wa ndege wa Julius Nyerere, Dar es Salaam wakati wa kumpokea Inoss B, Rayvanny alisema kuwa mbali na kumalizia kazi yao pia Innoss’B atashirikishwa kwenye album ya nne ijayo ya Diamond Platnumz.

Hata hivyo, Innoss’B ametua jijini Dar es Salaam kwa lengo la kumalizia baadhi ya kazi alizoshirikisha na Rayvanny ikiwemo kufanyika kwa video ya wimbo wao.

Itakumbukwa Rayvanny amemshirikisha Innoss’B kwenye wimbo ‘Kelebe’ unaopatikana kwenye album yake ya kwanza, ‘Sound From Africa’ iliyotoka rasmi February 1, 2021 huku ikihisiwa kuwa yapo mengine mengi kati yao.