Mwanamuziki wa Bongo Fleva, Harmonize ametangaza ujio wa msanii wake katika lebo ya Konde Gang, Killy baada ya kimya cha muda mrefu toka ajiunge na lebo hiyo.

Kupitia kwenye ukurasa wake wa Instagram Harmonize amemsifu Killy kwa kuwa mvumilivu katika kipindi chote licha ya maneno ya watu ambayo yalikuwa yakiponda kukaa chini ya lebo hiyo muda wote bila kuachia kazi.

Lakini pia ameutaarifu uma kuwa tayari Killy yupo Jijini Arusha kukamilisha video sita kutoka kwenye Album yake mpya ijayo.

Harmonize amendika “Siku Zote Wakati Wa Mungu Ndio Wakati Sahihi…!!!! Hiii Sanaa imejaa Miluzi Mingi Mno Mshukuru Mungu Kwa Kukupa Moyo Wa Subira & Uvumilivu Pia Kupuuza Kila Lilo Semwa Juuu Yako Now THE ALBUM is Ready Killy TIME Nawadokeza Yupo Arusha (6) VIDEOS from His Album Humu Instagram Kuna Wataalam Wa Majina Unamshauri Aiiitaje.

Killy alijiunga na lebo ya Konde Gang mwisho mwa mwaka jana baada ya kuachana na lebo ya King’s Music chini ya mwanamuziki, Alikiba.