Mwanamuziki wa Hip Hop Bongo, Young Lunya adokeza ujio wa kolabo yake na staa barani Afrika Diamond Platnumz ambayo inaweza ikapatikana katika Album yake mpya.

Wawili wao wameonekana katika picha ya pamoja wakiwa nchini Afrika Kusini na Young Lunya ametaarifu kuwa taarifa hiyo kwenye ukurasa wake wa Instagram.

Young Lunya amethibitisha album yake ijayo kumshirikisha rapper wa nchini Afrika Kusini, Mthembeni Ndevu a.k.a Emtee.

Akiwa Afrika Kusini, Lunya kupitia Instagram alionekana akiwa studio na mkali huyo wa wimbo ‘Roll Up’ na alimtaja miongoni mwa aliowashirikisha kwenye album yake ijayo.

Kabla ya uthibitisho na mkali huyo, Lunya alitoa taarifa kuwa album yake mpaka sasa imefikia 71% ya upishi na tayari ameshaidaka verse ya rapper mkali wa Afrika.

Young Lunya kwasasa ni mwanamuziki anayefanya kwenye soko la muziki Bongo kutokana na ubora wa nyimbo zake anazotoa kwenda kwa mashabiki wake.