Muigizaji wa Bongo Movie, Rose Ndauka amesema wasanii wa filamu walipendwa sana na mashabiki ndio maana hata wakifanya mambo madogo yanachukuliwa kwa ukubwa.

Rose Ndauka amesema ujio wao ulikuwa mkubwa na wakati huo hakukuwa na mitandao ya kijamii kama Instagram, WhatsApp wala Facebook ila sio kwamba walikuwa na kashfa au visa vingi.

“Bongo Movie tumependwa sana na mashabiki na ujio wetu ulikuwa mkubwa sana, wakati tunatoka kulikuwa hakuna Instagram, Facebook wala WhatsApp ilikuwa ni rahisi kufanya vitu hata vikiwa vidogo ila vinachukuliwa kwa ukubwa kwenye jamii ila haimaanishi kwamba Bongo Fleva au tasnia zingine hazifanyi visa”.

Aidha msanii huyo ameendelea kusema tatizo hilo la kuandamwa na kashfa nyingi iliwaumiza sana wasanii wa filamu ila anawaomba mashabiki waendelee kuiheshimu kazi hiyo.

Kwasasa muigizaji huyo amegeukia muziki wa Hip Hop kwani tayari ameachia kazi yake ya kwanza kama msanii wa Hip Hio inayokwenda kwa jina la ‘Sijali’.