Mwanamuziki wa Bongo Fleva, Professor Jay ametangaza kuachia nyimbo yake mpya baada ya maombolezo ya kifo cha aliyekuwa Rais wa Tanzania, Dkt. John Magufuli.

Profesa Jay ambaye jina lake kamili ni Joseph Haule, alitangaza hilo kupitia akaunti yake ya Instagram Machi 29 2021 na kuutambulisha ujio wake kwa jina Utaniambia nini.

Professor Jay anatoa tangazo hilo baada ya kuhairisha mpango wa kuachia kazi yake mpya wiki kadhaa zilizopita.

Itakumbukwa Prof. Jay alihairisha zoezi la kuachia kazi yake mpya Machi 18 2021 kutokana na kifo cha Dkt. Magufuli aliyefariki Machi 17 2021 jijini Dar es Salaam.