Mwanamuziki wa Bongo Flava, Diamond Platnumz ametangaza rangi zitakazohitajika kutumika katika uzinduzi wa album ya kwanza ya mwanamuziki wake Mbosso iitwayo ‘Definition Of Love’.

Dimond alitangaza kupitia akaunti yake ya Instagram kuwa watakaohudhuria uzinduzi wa albam hiyo ya Mboso ni wale watakaovaa nguo za rangi ya bluu na nyeusi na nyeupe tu.

Diamond amenadika kuwa watakaovaa tofauti mbali na kuzuiwa kuingia ukumbini, hata kama wamelipa kiingilio cha uzinduzi wa albam hiyo utakaofanyika Jumamosi Machi 19, 2021, hawatarudishiwa fedha zao.

“Nawasisitiza ndugu waalikwa na wanunua tiketi mavazi pale Mlimani City kwenye DefinitionOfLove Album launch ya Mbosso ni blue (bluu) na black (nyeusi)ukichanganya na White (nyeupe) sio Mbaya.

Sasa ukijileta na nguo za rangi tofauti na hizo, kaa ukijua hautaruhusiwa kuingia na ticket yako hautarudishiwa hela,” ameandika Diamond.

Uzinduzi wa albam ya Mbosso inatarajia kuzinduliwa Machi 20 mwaka huu katika ukumbi wa Mlimani City jijini Dar es Salaam.