Mwanamuziki wa Bongo Fleva, Diamond Platnumz amemwagia sifa mkuu wa Wilaya ya Kisarawe, Jokate Mwegelo kwa kazi nzuri anayofanya ndani ya Wilaya hiyo.

Kauli hiyo ameitoa mbele ya waandishi wa habari baada ya kutembelea msitu wa Pugu uliopo ndani ya Wilaya hiyo na kuona vivutio vya utalii vilivyopo.

Diamond alifika wilayani hapo kwa ajili ya kuhamasisha Tamasha la ya Ushoroba litakaloanza Machi 5 hadi Machi 7 mwaka huu katika Wilaya hiyo lililoandaliwa na mkuu wa Wilaya huyo.

Akiwa Wilayani Kisarawe Diamond Platnumz alipata fursa ya kutembelea msitu wa Pugu na kujionea vitu mbalimbali ndani yam situ huo.

Diamond aliweza kuzungumza na waandishi wa habari kuelekea siku ya Ushoroba Festival pamoja na mambo mbalimbali aliyoyaona msituni huko.

Diamond alimwagia sifa DC huko kwa kazi kubwa anayoifanya toka ateuliwe kwenye Wilaya hiyo ambapo amedai kuna mambo mengi wameanza kuonekana na Kisarawe kuwa midomoni mwa watu kila kukicha.