Mwanamuziki wa Bongo Fleva, Vanessa Mdee amevalishwa pete ya uchumba na mpenzi wake Rotimi ambaye ni msanii wa filamu ambapo wote kwa sasa wanaishi nchini Marekani.

Videos ambazo zimepostiwa kwenye mitandao ya kijamii zimeonyesha Rotimi akiwa amepiga magoti mbele ya Vanessa huku akimvalisha pete hiyo ya uchumba, kisha wakakumbatiana na kuanza kupigana mabusu.

Mwanzoni mwa mwezi wa kumi mwaka 2020, Vanessa  na Rotimi walishea picha mitandaoni zikiwaonyesha wamechorana tattoo zenye majina yao kwenye miili yao.

Penzi la wawili hao lilianza Oktoba 2019, baada ya Vanessa kuachana na mkali wa RnB Bongo, Juma Jux, ambapo walidumu kwa miaka sita.