Mwanamuziki wa Bongo Fleva, Nandy ameendelea kuwafunika mastaa wa kiume wa muziki huo nchini huku akizidi kupasua anga katika ukanda wa kimataifa hususan Afrika Mashariki.

Kwa uwezo wake wa kutengeneza muziki mzuri, katika kipindi cha mwaka huu Nandy amefanikiwa kupenya kwa kufanya kolabo na wasanii wakubwa na sasa anawapanga tu kwenye foleni kimafanikio.

Baadhi ya wasanii wanaotajwa kuachwa mbali na Nandy katika mafanikio ya kimuziki mwaka huu ni pamoja na Alikiba, Jux, Barnaba Boy,Mboso, Lavlava na Rayvany.

Nandy anabaki kuwa msanii mwanamke mahiri anayetajwa kuwa atafanya vizuri zaidi kwa miaka mingi ijayo ukilinganisha na umri alionao kwa sasa na mambo makubwa ambayo amefanya.

Tayari ana nyimbo nyingi kubwa na zenye rekodi ndani na nje ya nchi, kiasi cha kutwaa tuzo kubwa ya Msanii bora wa kike wa Afrika Mashariki na sasa anaisaka rekodi ya Afrika nzima.

Nandy anajivunia mafanikio yake kwa mwaka 2020 kwa kufanikisha kutoa nyimbo tano ambazo ni Na Nusu, Acha Lizame akiwa na Harmonize au Harmo.

Nyingine ni Dozi, Do Me akiwa Billnass kisha akamalizia na Nibakishie akiwa na King Kiba na nyimbo zote hizo zimefanya vizuri kwenye chati za muziki.