Mwanamuziki wa Bongo Fleva, Ommy Dimpoz amefunguka na kusema kuwa msanii mwenzake Alikiba bado anafanya kazi na kampuni ya Sony Music Entertainment Africa.

Ommy Dimpoz ameeleza kuwa katika kampuni hiyo kubwa ya muziki ni nafasi nzuri na pia hajaenda kuchukua nafasi ya Alikiba, kwani bado anafanya kazi na Sony.

Amesema kuwa “Ni sisi kama Rockstar na Sony ikawa hapo pia kuna urahisi, unajua kwenye Rockstar alianza Ali pia kusainiwa na Sony na bado anafanya kazi na Sony,”.

Ommy Dimpoz ambaye yupo chini ya uongozi wa Rockstar amepata dili la kufanya kazi na kampuni hiyo ya Sony baada ya wiki iliyopita kusaini dili na kampuni hiyo.